Útgerðarfélag Reykjavíkur hf.: Niðurstaða skuldabréfaútboðs 7. nóvember 2024Útgerðarfélag Reykjavíkur hf. („ÚR”) hélt í gær lokað útboð á nýjum skuldabréfaflokki UR 151126 og á áður útgefnum skuldabréfaflokki UR 260415. Skuldabréfin verða tekin til viðskipta á Aðalmarkaði Nadsaq Iceland og eru gefin út undir útgáfuramma félagsins. UR 151126 er nýr óveðtryggður skuldabréfaflokkur sem ber fasta 8,80% óverðtryggða vexti sem greiddir eru hálfsárslega. Lokagjalddagi bréfsins er 15.11.2026. Heildartilboð í flokkinn námu samtals 1.360 m.kr. að nafnvirði þar sem ávöxtunarkrafa var á bilinu 8,69% - 8,99%. Tilboðum að fjárhæð 720 m.kr. var tekið á ávöxtunarkröfunni 8,82%. UR 260415 er óveðtryggður skuldabréfaflokkur sem ber fljótandi vexti tengda 1 mánaða REIBOR að viðbættu 1,30% vaxtaálagi með lokagjalddaga 15. apríl 2026. Heildartilboð í flokkinn námu samtals 1.300 m.kr. að nafnvirði með álagi á 1 mánaða REIBOR á bilinu 1,20% - 1,30%. Tilboðum að fjárhæð 1.300 m.kr. var tekið á 1,30% álagi á 1 mánaða REIBOR. Áður höfðu verið gefin út bréf að nafnvirði 1.000 m.kr. í flokknum svo heildarstærð flokksins að uppgjöri loknu verður 2.300 m.kr. Greiðslu- og uppgjörsdagur er fyrirhugaður föstudagur, 15. nóvember 2024. Útboðið var undanþegið gerð lýsingar á grundvelli a-,b-, c- og d-liðar, 4. mgr. 1. gr. reglugerðar Evrópusambandsins og ráðsins (ESB) nr. 2017/1129 um lýsingu sem birta skal þegar verðbréf eru boðin í almennu útboði eða tekin til viðskipta á skipulegum markaði, sem innleidd var með lögum nr. 14/2020. Arctica Finance hf. hefur umsjón með útboðinu, útgáfu og töku hinna nýju skuldabréfa til viðskipta ásamt því að annast innheimtu og uppgjör í tengslum við útboðið. Runólfur Viðar Guðmundsson, framkvæmdastjóri ÚR: „Við hjá ÚR erum sem fyrr þakklát fyrir traustið sem fjárfestar sýna félaginu. Það er ljóst að innlendur fjármálamarkaður hefur trú á fyrirtækjum í íslenskum sjávarútvegi.”
Nánari upplýsingar veitir:
Runólfur Viðar Guðmundsson, framkvæmdastjóri, í síma 580-4200 eða rvg@urseafood.is 
|