Published: 2013-06-27 13:03:53 CEST
Reginn hf.
Fyrirtækjafréttir

Reginn A1 ehf. undirritar samkomulag við óstofnað félag kröfuhafa þrb. Norðurturnsins ehf. um heildsöluleigu á tveimur hæðum Norðurturnsins.

Dótturfélag Regins hf., Reginn A1 ehf., hefur undirritað samkomulag við óstofnað félag kröfuhafa þrb. Norðurturnsins ehf. um heildsöluleigu á tveimur hæðum Norðurturnsins. Aðilar að samkomulaginu eru einnig Byggingafélag Gylfa og Gunnars ehf. Hið óstofnaða félag verður eigandi turnsins.

Um er að ræða leigu á 1. og 2. hæð Norðurturnsins sem tengist Smáralind á báðum hæðum, leigusvæði getur orðið allt að 2.500 m2. Samkomulag er háð fyrirvörum þar á meðal um fjármögnun byggingu hans.

Reginn A1 mun í framhaldi framleigja allt rýmið til þriðja aðila, nú þegar hefur verið undirritað samkomulag við Baðhúsið ehf. um gerð leigusamnings á 2. hæð Norðurturnsins með tengingu og aðkomu inn í Smáralind á 2. hæð.

Að mati Regins þá hefur ofangreint samkomulag og samningar ekki teljandi bein áhrif á afkomu félagsins, sem og er fjárhagsleg áhætta Regins lítil. Það er hinsvegar mat Regins að útleiga turnsins að hluta eða öllu leyti muni hafa mjög jákvæð áhrif á rekstur og starfsemi þeirra félaga sem starfandi eru í Smáralind.

Nánari upplýsingar veitir:

Helgi S. Gunnarsson

Forstjóri Regins

Sími: 512 8900 / 899 6262