Hagnaður Lánasjóðs sveitarfélaga 248 m.kr. á fyrri hluta ársins 2021Hagnaður Lánasjóðs sveitarfélaga nam 248 milljónum króna á fyrri árshelmingi 2021 samanborið við 478 milljónir króna á sama tímabili árið 2020. Breyting á milli ára skýrist aðallega af minni gjaldeyrismun vegna styrkingar krónunnar og lækkun vaxta af lánum af eigin fé í kjölfar vaxtalækkana Seðlabanka Íslands. Heildareignir Lánasjóðsins þann 30. júní voru 160 milljarðar króna samanborið við 144 milljarða í árslok 2020. Heildarútlán sjóðsins námu 152 milljörðum króna samanborið við 136 milljarða í árslok 2020. Ný útlán á fyrstu 6 mánuðum námu 19,1 milljörðum. Markaðsverðmæti verðbréfaútgáfu á fyrri hluta ársins var 18,5 milljarðar króna en var 15,2 milljarðar á sama tíma í fyrra. Eigið fé Lánasjóðsins nam 19,3 milljörðum króna á móti 19,1 milljörðum í árslok 2020. Á aðalfundi sjóðsins þann 26. mars síðastliðinn var ákveðið að greiða ekki arð til hluthafa vegna afkomu ársins 2020. Vegið eiginfjárhlutfall samkvæmt lögum um fjármálafyrirtæki er 336% sem nú er reiknað með fullri mildun en í árslok 2020 var hlutfallið 454%. Án mildunar væri hlutfallið 54%. Lánasjóðurinn tilkynnti til kauphallar Nasdaq þann 16. apríl 2020 að hann hefði ákveðið að nýta heimild til mildunar við eiginfjárútreikninga lána með veð í tekjum sveitarfélaga. Helstu niðurstöður í milljónum króna: | Rekstur fyrstu 6 mánaða ársins | 1.1.-30.6.21 | 1.1.-30.6.20 | | | | | | Hreinar vaxtatekjur...................................... | 341 | 429 | | Aðrar rekstrartekjur (gjöld).......................... | 24 | 158 | | Almennur rekstrarkostnaður....................... | 117 | 109 | | Hagnaður tímabilsins................................ | 248 | 478 | | | | | | Efnahagur í lok tímabils | 30.jún.21 | 31.des.20 | | | | | | Handbært fé................................................ | 288 | 4.349 | | Ríkisbréf og ríkisvíxlar.................................. | 3.835 | 3.031 | | Markaðsverðbréf......................................... | 2.904 | 448 | | Útlán og kröfur............................................ | 152.429 | 135.722 | | Aðrar eignir................................................. | 51 | 44 | | Eignir samtals........................................... | 159.506 | 143.593 | | | | | | Verðbréfaútgáfa.......................................... | 138.208 | 122.529 | | Aðrar lántökur............................................. | 1.988 | 2.003 | | Skuldir samtals......................................... | 140.196 | 124.532 | | | | | | Eigið fé...................................................... | 19.310 | 19.062 | | | | | | CAD- hlutfall................................................. | 336% | 454% |
Framtíðarhorfur Lánasjóður sveitarfélaga sér fram á áframhaldandi kröftuga eftirspurn eftir útlánum, bæði vegna COVID-19 faraldursins og ýmissa framkvæmda í sveitarfélögum landsins. Lánasjóðurinn mun starfa í meginatriðum líkt og undanfarin ár þar sem unnið hefur verið að eflingu á starfsemi hans og aukinni þjónustu við sveitarfélögin með því að nýta gott lánstraust sjóðsins til að útvega sveitarfélögunum lánsfé á hagstæðum kjörum. Kynningarfundur Opinn kynningarfundur fyrir markaðsaðila verður haldinn fimmtudaginn 26. ágúst kl. 12:00 á skrifstofu sjóðsins, Borgartúni 30, 5 hæð. Óttar Guðjónsson framkvæmdastjóri mun kynna afkomu og efnahag sjóðsins ásamt því að svara spurningum. Boðið verður upp á léttan hádegisverð. Boðið er upp á að sækja fundinn rafrænt í gegnum Teams. Þátttakendur eru beðnir um að staðfesta komu sína eigi síðar en 25. ágúst með því að senda t-póst á ottar@lanasjodur.is og tiltaka hvort þeir hyggjast mæta á staðfund eða sækja fundinn rafrænt. Nánari upplýsingar veitir: Óttar Guðjónsson, framkvæmdastjóri, s. 515 4949.
|