Arion banki gaf í dag út almenn skuldabréf (e. senior preferred) að fjárhæð 300 milljónir evra til 3.5 ára. Skuldabréfin bera 3,625% vexti sem jafngilda 88 punkta álagi yfir millibankavöxtum í evrum.
Umtalsverð eftirspurn var eftir skuldabréfunum eða um 8x sinnum meiri en framboð. Í heild bárust tilboð frá 124 fjárfestum frá yfir 26 löndum í Evrópu og Asíu. Endanleg tilboðsbók nam rúmlega 2,4 milljörðum evra.
Skuldabréfin verða gefin út undir EMTN-útgáfuramma bankans með vísan í sjálfbæra fjármálaumgjörð bankans sem hlotið hefur álit frá óháðum aðila, ISS Corporate.
Umsjónaraðilar (e. joint lead managers ) útgáfunnar voru BofA Securities, Deutsche Bank, J.P Morgan og Natwest