Published: 2017-02-21 10:13:37 CET
TM hf.
Innherjaupplýsingar

Tilkynning vegna sölu Tryggingamiðstöðvarinnar á hlutum í Kvitholmen

Tryggingamiðstöðin hf. (TM) hefur selt 3,0% hlut í Kvitholmen, sem á 100% eignarhlut í fiskeldisfyrirtækinu Arnarlaxi hf., fyrir 35,7 milljónir norskra króna. TM átti fyrir viðskiptin 7,4% eignarhlut í Kvitholmen og því jafngilda þessi viðskipti að eignarhlutur TM sé metinn á 89,1 milljónir norskra króna eða 1.177 m.kr. Bókfært virði eignarhlutarins er 858 m.kr. og því bókfærir TM 319 m.kr. í gengismun á 1. ársfjórðungi vegna þessara viðskipta. TM fjárfesti fyrst í Arnarlaxi í árslok 2014. Frá þeim tíma hefur TM verið einn af stærstu hluthöfum félagsins. TM mun eftir viðskiptin eiga 4,4% eignarhlut í Kvitholmen og mun því áfram verða einn af stærstu hluthöfum félagsins. TM hefur eftir sem áður mikla trú á fiskeldi sem atvinnugrein á Íslandi.

Það sem af er ári hefur ávöxtun fjárfestingaeigna TM gengið framar vonum. Fjárfestingartekjur eru áætlaðar um 750 m.kr. það sem af er ári sem er langt umfram áætlanir en á 1. ársfjórðungi eru fjárfestingartekjur áætlaðar 404 m.kr. Þar sem skammt er liðið á árið 2017 þá verður áætlun um fjárfestingartekjur ekki endurskoðuð að sinni, en áætlunin mun sæta endurskoðun í tengslum við uppgjör fyrir 1. ársfjórðung 2017 ef þörf krefur.


Tilkynning_210217.pdf