Samningur um viðskiptavakt á eftirmarkaði með skuldabréf Reykjavíkurborgar
Þann 26. mars 2026 samþykkti borgarráð samninga um viðskiptavakt með skuldabréfaflokkana RVKN 35 1, RVK 44 1, RVKG 48 1 og RVK 53 1 fyrir tímabilið 1. apríl 2026 til 31. mars 2027. Tilgangur samningsins er að stuðla að auknum seljanleika á eftirmarkaði og efla verðmyndun. Samningur um viðskiptavakt verður gerður við Arion banka, Íslandsbanka, Kviku banka, Landsbankann og Fossa fjárfestingarbanka.
Helstu atriði samningsins eru:
- Tilboð skulu endurnýjuð eigi síðar en innan 15 mínútna frá því að þeim hefur verið tekið.
- Hámarksmunur kaup- og sölutilboða viðskiptavaka skal mest vera 1,0% í RVKN 35 1, 1,25% í RVK 44 1 og 1,5% í RVKG 48 1 og RVK 53 1.
- Viðskiptavakar skuldbinda sig til að setja fram dagleg kaup- og sölutilboð í skuldabréfin í kauphöllinni fyrir opnun markaðar, sjá lágmarks tilboð í meðfylgjandi töflu:
| Skuldabréfaflokkur | Tilboðsskylda að nafnverði | Hámarksverðbil kaup- og sölutilboða |
|---|---|---|
| RVKN 35 1 | 25 m.kr. | 1,0% |
| RVK 44 1 | 15 m.kr. | 1,25% |
| RVKG 48 1 | 15 m.kr. | 1,5% |
| RVK 53 1 | 10 m.kr. | 1,5% |
- Eigi viðskiptavaki, á einum viðskiptadegi, viðskipti fyrir samtals 180 m.kr. að nafnvirði í þeim flokkum sem viðskiptavakt er með er honum heimilt að víkja frá hámarksmun kaup- og sölutilboða það sem eftir lifir viðskiptadags.
Frá gildistöku samninga um viðskiptavakt geta viðskiptavakar fengið tímabundin verðbréfalán í flokki þeirra skuldabréfa sem samningurinn tekur til.
Nánari upplýsingar veitir:
Bjarki Rafn Eiríksson
Skrifstofa fjárstýringar og innheimtu
Netfang: bjarki.rafn.eiriksson@reykjavik.is