Íslandsbanki hf.: Íslandsbanki niðurstaða endurkaupatilboðs á skuldabréfaútgáfu bankans í evrum

Birt: 2023-05-17 11:53:00 CEST

Íslandsbanki hf. - Aðrar upplýsingar sem birtar eru í samræmi við reglur Kauphallarinnar

Íslandsbanki hf. tilkynnir hér með um niðurstöðu endurkaupatilboðs til eigenda 300 milljóna evra skuldabréfaútgáfu bankans sem sem ber 0,50% vexti og er á gjalddaga 20. nóvember 2023 (ISIN: XS2259867039) gegn greiðslu (hér eftir endurkaupatilboðið).

Tilkynnt var um endurkaupatilboðið 9. maí 2023 og var það háð þeim skilmálum og skilyrðum sem lýst var í endurkaupatilboðslýsingu (e. Tender Offer Memorandum) sem dagsett var 9. maí 2023.

Bankanum bárust gild tilboð að upphæð 220.417.000 evra og voru þau öll samþykkt. Frekari upplýsingar er að finna í hjálagðri tilkynningu um niðurstöðu endurkaupatilboðsins (e. Tender Results Announcement).

Umsjónaraðilar með endurkaupunum voru Barclays, Citigroup, Goldman Sachs Bank Europe og J.P. Morgan.

Um Íslandsbanka
Íslandsbanki er alhliða banki sem leggur áherslu á að koma til móts við þarfir viðskiptavina sinna og á sér langa sögu sem nær aftur til ársins 1875. Bankinn leggur áherslu á traustan rekstur og að hafa jákvæð áhrif í samfélaginu en hlutverk bankans er að vera hreyfiafl til góðra verka svo viðskiptavinir okkar nái árangri. Með framtíðarsýn um að skapa virði til framtíðar með því að veita framúrskarandi þjónustu, vinna þrjár viðskiptaeiningar þétt saman til þess að viðhalda góðum viðskiptasamböndum. Markaðshlutdeild bankans er sterk og rekur bankinn skilvirkasta útibúanetið á landinu og styður um leið við viðskiptavini sína á stafrænni vegferð þeirra. Umhverfið sem bankinn starfar í er eftirsóknarvert og er Íslandsbanki vel í stakk búinn að takast á við tækifærin framundan með öflugar tæknilegar stoðir og sterkan efnahagsreikning. Íslandsbanki er með lánshæfismatið BBB/A-2 frá S&P Global Ratings. Hlutabréf bankans eru skráð á Aðalmarkað Nasdaq Iceland.

Viðhengi:

Islandsbanki May 2023 Tender Results Announcement.pdf