REITIR: Rekstrarhagnaður 1.782 m.kr. á fyrstu þremur mánuðum ársins 2021Stjórn Reita fasteignafélags hf. hefur samþykkt árshlutareikning samstæðunnar fyrir fyrstu þrjá mánuði ársins 2021. Helstu lykiltölur reikningsins eru: Lykiltölur rekstrar | 3M 2021 | 3M 2020 | Tekjur | 2.750 | 2.882 | Rekstrarkostnaður fjárfestingareigna | -799 | -814 | Stjórnunarkostnaður | -169 | -163 | Rekstrarhagnaður fyrir matsbreytingu | 1.782 | 1.905 | Matsbreyting fjárfestingareigna | 907 | -2.135 | Rekstrarhagnaður/tap | 2.689 | -230 | Hrein fjármagnsgjöld | -1.382 | -1.040 | Heildarhagnaður/Heildartap | 996 | -1.032 | Hagnaður/tap á hlut | 1,3 kr. | -1,5 kr. | NOI hlutfall | 56,1% | 62,3% | Stjórnunarkostnaðarhlutfall | 5,3% | 5,3% | | | | Lykiltölur efnahags | 31.3.2021 | 31.12.2020 | Fjárfestingareignir | 154.016 | 152.606 | Handbært og bundið fé | 2.153 | 2.088 | Heildareignir | 157.778 | 156.491 | Eigið fé | 53.046 | 52.828 | Vaxtaberandi skuldir | 84.828 | 84.878 | Eiginfjárhlutfall | 33,6% | 33,8% | Skuldsetningarhlutfall | 57,0% | 57,6% | | | | Lykiltölur um fasteignasafn | 3M 2021 | 3M 2020 | Nýtingarhlutfall (tekjuvegið) | 94,9% | 94,3% | Fjárhæðir eru í milljónum króna nema annað sé tekið fram. Hlutföll í rekstrarreikningi eru reiknuð sem hlutfall heildartekna. Guðjón Auðunsson, forstjóri „Fátt kom stjórnendum Reita á óvart í rekstri félagsins á fyrsta ársfjórðungi og er reksturinn í takti við áætlanir og útgefnar horfur. Áhrif kórónuveirufaraldursins á leigutekjur hafa farið minnkandi. Leiðrétt fyrir áhrifum Covid-19 aukast leigutekjur um 4,5% milli ára. Stjórnendur gera ráð fyrir að áhrif faraldursins á tekjur félagsins fari áfram minnkandi en munu þó gæta út árið 2021, eða þar til ferðaþjónustan nær vopnum sínum á ný. Útleiga fyrstu mánuði ársins gekk mjög vel og mun áhrifa þess gæta þegar líða tekur á árið.” Nánari upplýsingar og kynningarfundur Reitir bjóða markaðsaðilum og fjárfestum á rafrænan kynningarfund þar sem Guðjón Auðunsson, forstjóri, og Einar Þorsteinsson, fjármálastjóri, munu kynna uppgjörið. Fundurinn verður haldinn kl. 8:30 þriðjudaginn 18. maí n.k. Nauðsynlegt er að skrá sig á fundinn, eftir skráningu fá þátttakendur staðfestingarpóst með nánari upplýsingum. Hægt verður að bera upp spurningar á fundinum með skriflegum hætti. Skráning á kynningarfundinn: https://us02web.zoom.us/webinar/register/5716052657619/WN_AzClVDY4QJq8dtfuOPxaLA Kynningarefni fundarins er aðgengilegt á fjárfestasíðu Reita, reitir.is/fjarfestar Nánari upplýsingar veita Guðjón Auðunsson, forstjóri, í síma 575 9000 eða 660 3320, og Einar Þorsteinsson, fjármálastjóri, í síma 575 9000 eða 669 4416. Um Reiti Reitir fasteignafélag hf. er íslenskt hlutafélag. Samstæða félagsins samanstendur af móðurfélaginu, Reitum fasteignafélagi hf., ásamt dótturfélögum, sem öll eru að fullu í eigu móðurfélagsins. Starfsemi félagsins felst í eignarhaldi, útleigu og umsýslu atvinnuhúsnæðis sem er að stærstum hluta verslunar- og skrifstofuhúsnæði á höfuðborgarsvæðinu. Fasteignir í eigu félagsins eru um 135 talsins, um 445 þúsund fermetrar að stærð. Meðal fasteigna félagsins má nefna stærstan hluta verslunarmiðstöðvarinnar Kringlunnar, Spöngina og Holtagarða, skrifstofubyggingar við Höfðabakka 9 og Vínlandsleið ásamt húsnæði höfuðstöðva Icelandair Group, Sjóvár, Origo og Advania og skrifstofu Landspítalans við Skaftahlið 24. Hótelbyggingar í eigu Reita eru m.a. Hótel Borg og Hotel Hilton Reykjavík Nordica ásamt Icelandair Hotel Reykjavík Natura. Stærstu leigutakar Reita eru Hagar, Flugleiðahótel, ríki og sveitarfélög.
|