Í 39. og 40. viku 2021 keypti Arion banki eigin hluti á Aðalmarkaði Nasdaq Iceland hf. og sænsk heimildarskírteini (SDR) á Nasdaq í Stokkhólmi. Sjá frekari upplýsingar hér að neðan.

Endurkaup á hlutum á Aðalmarkaði Nasdaq Iceland í umrædd skipti voru eftirfarandi:

Endurkaup á heimildarskírteinum á Nasdaq í Stokkhólmi voru eftirfarandi:

Arion banki átti fyrir viðskiptin í viku 39 samtals 103.665.335 eigin hluti og heimildarskírteini og á bankinn í lok endurkaupaáætlunar samtals 111.509.630 eigin hluti og heimildarskírteini. Samtals á bankinn nú sem nemur 6,72% af útgefnum hlutum í félaginu. Frá því að endurkaupaáætlun hófst hefur bankinn keypt samtals 46.549.512 hluti og 551.394 heimildarskírteini að andvirði 7.932.916.661 króna undir umsjón Kviku Banka og Íslandsbanka.

Samkvæmt endurkaupaáætluninni var bankanum heimilt að kaupa allt að 63.000.000 hluti/SDR, sem samsvarar 3,8% af útgefnum hlutum í bankanum. Heimilt var að kaupa allt að 1.260.000 SDR í Svíþjóð og allt að 61.740.000 hluti á Íslandi. Fjárhæð endurkaupanna mátti ekki vera meiri en sem svarar til 160.000.000 kr. í Svíþjóð og 7.840.000.000 kr. á Íslandi (samtals 8 milljarðar króna).
 
Endurkaupaáætlunin var framkvæmd í samræmi við lög og reglur á Íslandi og í Svíþjóð, þ.á.m. lög um hlutafélög nr. 2/1995, lög um verðbréfaviðskipti nr. 108/2007, viðauka við reglugerð um innherjaupplýsingar og markaðssvik nr. 630/2005, Reglugerð Evrópuþingsins og ráðsins (ESB) um markaðssvik (MAR) nr. 596/2014, sem og framselda reglugerð framkvæmdastjórnar ESB (EU) 2016/1052 frá 8. mars 2016, sbr. lög um aðgerðir gegn markaðssvikum nr. 60/2021 sem tók gildi á Íslandi 1. september 2021.