Íslandsbanki hf.: Niðurstaða útboðs á almennum skuldabréfum í íslenskum krónum

Birt: 2023-12-14 17:56:00 CET

Íslandsbanki hf. - Aðrar upplýsingar sem birtar eru í samræmi við reglur Kauphallarinnar

Vísað er til tilkynninga Íslandsbanka hf. sem birtar voru 7., 12. og 14. desember 2023 um útboð á almennum skuldabréfum í íslenskum krónum.

Íslandsbanki hf. lauk í dag útboði á nýjum flokki almennra skuldabréfa (e. senior preferred) ISB 28 1221.

Seld voru skuldabréf að fjárhæð 5.020 m.kr. á ávöxtunarkröfunni 4,48%. Flokkurinn er verðtryggður skuldabréfaflokkur til 5 ára og ber fasta verðtryggða vexti með árlegri vaxtagreiðslu. Lokagjalddagi er 21. desember 2028.

Stefnt er að töku skuldabréfanna til viðskipta í Nasdaq Iceland þann 21. desember 2023.

Umsjónaraðili útboðsins var Verðbréfamiðlun Íslandsbanka.

Þessi tilkynning er birt af Íslandsbanka hf. og inniheldur upplýsingar sem töldust eða kunna að hafa talist innherjaupplýsingar í skilningi 7. gr. reglugerðar Evrópuþingsins og Ráðsins (ESB) nr. 596/2014 um markaðssvik (MAR), sbr. lög nr. 60/2021, um aðgerðir gegn markaðssvikum. Tilkynning þessi er gerð af Jóni Guðna Ómarssyni, bankastjóra Íslandsbanka hf., í samræmi við upplýsingaskyldu bankans samkvæmt MAR og 2. gr. framkvæmdarreglugerð framkvæmdastjórnarinnar (EU) 2016/1055.

Viðhengi:

Islandsbanki hf. Niurstaa utbos a almennum skuldabrefum i islenskum kronum.pdf