Orkuveita Reykjavíkur - Niðurstaða útboðs grænna skuldabréfaLokuðu útboði á grænum skuldabréfum Orkuveitu Reykjavíkur lauk í dag, 29. mars 2023. Gefin voru út skuldabréf í skuldabréfaflokkunum OR020934 GB og OR180255 GB. OR020934 GB ber fasta verðtryggða vexti og greiðir jafnar greiðslur á sex mánaða fresti með lokagjalddaga 2. september 2034. Áður hafa verið gefin út bréf að nafnverði kr. 12.617 milljónir í flokknum. Heildartilboð í flokkinn voru samtals 2.160 m.kr. að nafnvirði, þar sem ávöxtunarkrafa var á bilinu 3,17% - 3,35%. Tilboðum að fjárhæð 1.960 m.kr. að nafnvirði var tekið á ávöxtunarkröfunni 3,24%. OR0180255 GB ber fasta verðtryggða vexti og greiðir jafnar greiðslur á sex mánaða fresti með lokagjalddaga 18. febrúar 2055. Áður hafa verið gefin út bréf að nafnverði kr. 22.601 milljónir í flokknum. Heildartilboð í flokkinn voru samtals 820 m.kr. að nafnvirði, þar sem ávöxtunarkrafa var á bilinu 2,99% - 3,15%. Tilboðum að fjárhæð 620 m.kr. var tekið á ávöxtunarkröfunni 3,04%. Fossar fjárfestingarbanki hf. hefur umsjón með útgáfu og sölu skuldabréfanna sem og töku þeirra til viðskipta á markaði Nasdaq á Íslandi með sjálfbær skuldabréf.
Nánari upplýsingar: Benedikt K. Magnússon, framkvæmdastjóri Fjármála OR, sími: 516 6100, netfang: Benedikt.Kjartan.Magnusson@or.is Matei Manolescu, markaðsviðskiptum Fossa fjárfestingarbanka, sími: 522 4008, netfang: matei.manolescu@fossar.is 
|