Landsbankinn lauk í dag sölu á grænum skuldabréfum til fimm ára að fjárhæð 300 milljónir evra. Skuldabréfin bera 4,0% fasta vexti og voru seld á kjörum sem jafngilda 110 punkta álagi á miðgildi vaxtatilboða í vaxtaskiptasamningum á markaði.
Endanleg eftirspurn nam rúmlega 1.650 milljónum evra frá yfir 100 fjárfestum frá Bretlandi, Norðurlöndunum, meginlandi Evrópu og Asíu.
Skuldabréfin verða gefin út undir EMTN-útgáfuramma bankans með vísan í sjálfbæra fjármálaumgjörð bankans sem vottuð er af Sustainalytics. Skuldabréfin verða tekin til viðskipta í írsku kauphöllinni þann 12. maí 2026.
Umsjónaraðilar voru Barclays, BofA Securities, Citi og J.P. Morgan
