Alma íbúðafélag hf.: Niðurstaða skuldabréfaútboðs 12. september 2024

Alma íbúðafélag hf. hefur lokið útboði á nýjum skuldabréfaflokki AL 210926 sem gefinn er út undir útgáfuramma félagsins. Seld voru skuldabréf fyrir 2.100 m.kr.

Skuldabréfaflokkurinn AL 210926 er óverðtryggður og ber fljótandi vexti tengdum 3 mánaða REIBOR vöxtum að viðbættu 1,40% vaxtaálagi. Lokagjalddagi flokksins er 21.september 2026. Skuldabréfaflokkurinn er veðtryggður samkvæmt almennu tryggingarfyrirkomulagi.

Afrakstri skuldabréfaútboðsins verður varið til endurfjármögnunar á núverandi skuldum félagsins.

Greiðslu- og uppgjörsdagur er fyrirhugaður föstudaginn 20. september 2024 og í kjölfarið verður sótt um að skuldabréfin verði tekin til viðskipta á Aðalmarkaði Nasdaq Iceland hf.

Landsbankinn hafði umsjón með sölu skuldabréfanna og töku skuldabréfanna til viðskipta.

Nánari upplýsingar veitir:

Ingólfur Árni Gunnarsson, framkvæmdastjóri, ingolfur@al.is